आगामी गणेशोत्सवाच्या पार्श्वभूमीवर फलटण ग्रामीण पोलीस ठाणे हद्दीत अवैध दारू विक्री व वाहतुकीस आळा घालण्यासाठी पोलिसांकडून पेट्रोलिंग व विशेष कारवाई सुरू आहे.
दि. १३/०९/२०२६ रोजी सायंकाळी सुमारे १९.४० वाजता साखरवाडी पोलीस दूरक्षेत्र हद्दीत पोलीस पथक पेट्रोलिंग करीत असताना निंभोरे ते फडतरवाडी रोडवर एक महिला संशयास्पदरीत्या मोटारसायकलवरून जात असल्याचे निदर्शनास आले.
सदर महिलेस थांबवून तिच्या ताब्यातील वाहनाची पंचांसमक्ष तपासणी केली असता, वाहनातील पांढऱ्या रंगाच्या पोत्यामध्ये देशी दारूच्या १८० मिली क्षमतेच्या एकूण ४८ सीलबंद बाटल्या, किंमत ₹ ३,८४०/-, असा प्रोव्हिजन माल आढळून आला. तसेच दारू वाहतुकीसाठी वापरलेली मोटारसायकल किंमत अंदाजे ₹ ९०,०००/- असा एकूण ₹ ९३,८४०/- रुपयांचा मुद्देमाल जप्त करण्यात आला.
या प्रकरणी Abc , वय ४८ वर्षे, रा. निंभोरे, ता. फलटण, जि. सातारा हिच्यावर कायदेशीर कारवाई करण्यात आली असून, अवैध दारू वाहतुकीबाबत गुन्हा दाखल करण्याची प्रक्रिया सुरू आहे.
ही कारवाई प्रभारी अधिकारी API प्रशांत सुबनावळ यांच्या मार्गदर्शनाखाली पोलीस हवालदार पिसे, पोलीस हवालदार पवार, पोलीस कॉन्स्टेबल देशमुख यांनी केली.
गणेशोत्सवाच्या पार्श्वभूमीवर अवैध दारू विक्री व वाहतुकीविरुद्ध फलटण ग्रामीण पोलिसांची कारवाई यापुढेही सुरू राहणार आहे.
प्रशांत सुबनावळ
सहाय्यक पोलीस निरीक्षक
फलटण ग्रामीण पोलीस स्टेशन
